Maite Alonso eta Unai Ruizek gidatutako Zerren argi familientzako lantegiaren helburua film bat egitea da zuzenezko margolanaren teknika erabiliz 16 mm-ko film baten gainean, baita bere soinu-banda osatzea ere.
Bi gune egongo dira. Gune batean 16 mm-ko filma egongo da ezarrita espiral forman, parte hartzaileek zuzenean margotu eta hainbat materialez estali dezaten. Bestean, soinuak kasetean grabatuko dira eta filmeko soinu-banda osatuko dute. Hainbat tresna eta instrumentuekin, kutxa zaharrekin, sokekin, birziklatutako metalezko piezekin eta gure ahotsekin sortuko ditugu paisaia musikalak. Partehartzaile guztiak, beren zaletasunaren arabera, gune batetik bestera aske pasatzeko gai izango dira.
Lantegia filmaren proiekzioarekin bukatuko da, 16mm-ko proiektorea erabiliz eta pantaila zuri batean. Hainbat orduren buruan mamitutako kreaziozko aktibitateen bereizgarri diren xehetasun guztiak, itxuraz nahaspilatuta, era armoniko batean antolatuta agertuko dira amaieran.
Zerren argi adin guztietako pertsonentzat egokia da eta ez da beharrezkoa artean inolako esperientziarik izatea aldez aurretik lantegi honetan parte hartu ahal izateko.
Maite Alonso eta Unai Ruizek gidatutako Zerren argi familientzako lantegiaren helburua film bat egitea da zuzenezko margolanaren teknika erabiliz 16 mm-ko film baten gainean, baita bere soinu-banda osatzea ere.