Ideia eta antzezpena: Alex Deutinger y Marta Navaridas. Testua: Barack Obama.
Your Majesties-en, Alex Deutinger performerrak fidelki errezitatzen du Barack Obamak Bakearen Nobel Saria jaso zueneko ekitaldian, Oslon, emandako hitzaldia. Marta Navaridas koreografoak bere mugimenduak gidatzen ditu, AEBko presidentea txotxongilo bihurtzen du, eta horrek beste errealitate batera garamatza. Errealitate horretan, hitzek esaten dutena ukatu, aldatu, azpimarratu edo desitxuratzen du gorputzak.
Testua eta mugimendua bereizi egiten dira. Gorputz-lengoaia hau errepertorio fisiko arrotz batek inbaditzen du, eta han, keinu eta hitzen arteko konbinazio bakoitzak aurreikusi ezinezko dimentsioak hartzen ditu. Jatorrizko testuaren irakurketa berri eta askotarikoak ekarriz, Navaridas & Deutingerrek gure oraintsuko historiaren kapitulu honen bertsio harrigarri bat proposatzen dute. Your Majesties gerraren, maitasunaren eta esperantzaren inguruko hitzaldi-performance bat da; BestOFFstyria saria irabazi zuen, eta Europako Aerowaves/Springforward eta Swedish Dancenet dantza-sareetarako aukeratu zuten.
'Your Majesties'-en, Alex Deutinger performerrak fidelki errezitatzen du Barack Obamak Bakearen Nobel Saria jaso zueneko ekitaldian, Oslon, emandako hitzaldia.