Covid 19 deitu dioten birusa dabil gure artean azken hilabeteotan eta elkar ez kutsatzeko asmoarekin hainbat neurri eta baldintza ezarri zaizkigu. Bi hilabetez etxetik atera gabe egon gara, jende pilaketak ekidin behar izan ditugu, elkarrekiko distantzia soziala mantendu, leku publikoen sarreretan garbitasun kontrolak izan ditugu, maskarak erabili beharra... Zeintzuk dira neurri horien bidez ematen ari diren sakoneko aldaketak? Nola begiratzen diogu besteari? Nola harremantzen gara? Zein da jendearekin elkartu eta egoteko daukagun modua orain? Eta kalea bizitzeko modua? Guzti honek zein bilakaera izango du hemendik aurrera?
Hiria gazteon ikuspegitik begiratzea eta ulertzea da Hiria Hackeaturen helburu nagusietako bat eta hortik begiratuko diogu egoera berriari. Etengabe gurekin daramagun maskara abiapuntutzat hartuta, osasun-krisialdiak ekarri duen normaltasun berria hackeatuko dugu saio hauetan. Maskara ezberdinak diseinatu eta 3D inprimagailuaren bidez sortuko ditugu hauekin hirian zenbait esku-hartze egiteko.
Lau eguneko lantegia izango da (Ordutegia: 10:00-14:00).
Hiria gazteon ikuspegitik begiratzea eta ulertzea da Hiria Hackeaturen helburu nagusietako bat eta hortik begiratuko diogu egoera berriari. Etengabe gurekin daramagun maskara abiapuntu hartuz, osasun-krisialdiak ekarri duen normaltasun berria hackeatuko dugu saio hauetan. Maskara ezberdinak diseinatu eta 3D inprimagailuaren bidez sortuko ditugu, hauekin hirian zehar zenbait esku-hartze egiteko.