Piztu hitza! Idazketaren hamaika aukera

Lantegia euskara hutsean burutuko da. 

Arropa erosoarekin etortzea eta telefono mugikorra ekartzea gomendatzen da.

Hitza nahieran erabili dezakegu: paper gainean ipini daiteke edo airera bota, ahozkatua, baju-baju xuxurlatu dezakegu, ozen transmititu edo oihukatu, poema baten parte izan, elaberriarena edo abesti batena. 

Nola eskuratu praktika horiek? Idaztea, ahoskatzea, hitza transmititzea, ikasten al da? Zer muga, forma edo neurri  jartzen dizkiegu prozesu horiei? 

Ustezko eta ikasitako moldeetatik askatzeko lantegia dugu hau. Hitza erabili eta geure egiteko ezinbestekoak diren hainbat puntu landuko ditugu lau egunetan barrena: begirada, idazten hasteko txinparta, artisau-lana, sormena partekatzea eta prozesuei beren bidea egiten uztea. Hitza oso kontzeptu zabala delako, eta, era berean, oso arrunta ere. Ohiko mugetatik atera eta emango diogu sua.