Frédéric Blondy

Pianista, organista, konpositorea, inprobisatzailea eta ONCEIMeko (Musika Berriaren Sorkuntzako, Esperimentazioko eta Inprobisazioko Orkestra) zuzendari artistikoa, Frédéric Blondyk soinuaren ikuspegi plastikoa lantzen du.

Hogeita bost urte baino gehiago daramatza artista ugarirekin lankidetzan, eta Europan, Ipar eta Hego Amerikan, Ekialde Hurbilean eta Asian aritu da.

Hogei disko baino gehiago egin ditu, Europako hainbat zigilutan argitaratu direnak, eta bere kontzertuak irrati nazionalek (France Musique, SWR, BBC, YLE, RTS...) grabatu eta ematen dituzte.

2017an Villa Kujoyamaren (Japonia) irabazlea izan zen eta 6 hilabete eman zituen Kyoton.