THE OGROCADAVER

THE OGROCADAVER (Iker Bengoetxea Arruti, 1979) artista plastiko añorgatarra han eta hemen ibilia da ikasketak eta ibilbidea jorratzen. Leioako Arte Ederretan lizentziatura (2008) margolaritzan osatu zuen, eta Masterrerako (2012) linograbatua hartu zuen gaitzat. Wroclaw-ko (Polonia) arte eder eskolan bi graduondoko burutuak ditu (2011, 2014), biak teknika grafikoetara zuzenduak, batak espezializazioa linograbatuan zuela eta besteak teknika digitaletan. Grabatuan aditua, beraz, badu eskarmentua margolaritza eta diseinu grafikoan ere.