Playtime, Jacques Tati, Frantzia, 1967, 155'

17:00 Santos Zunzuneguiren aurkezpena.

18:00 Playtime, Jacques Tati, Frantzia, 1967, 155'

Turista estatubatuar talde bat Parisera iritsi da hiriburua bisitatzeko. Aldi berean, Hulot jauna enpresa handi bateko bulegoetara doa elkarrizketa bat egitera, baina azkenean eraikinaren handitasunean galtzen da. Bere ibilaldi eta topaketetan zehar, Hulot jauna Paris ultramoderno batean barrena ibiliko da, eta bere bidea estatubatuarrenarekin gurutzatuko da ezinbestean.

1967an zinema-aretoetan estreinatutako laugarren film luze honekin, Jacques Tatik bere obrarik anbiziotsuena burutu zuen. Mon Oncle bere aurreko filmaren biran, zinemagileak satira alai eta zirikatzaile hau ekoizteko ideia izan zuen, gizarte globalizatu eta azalekoa erretratatzen duen lana, non berezitasun kulturalak eta giza harremanak gero eta arraroagoak direla azaltzen duen. Proiektu bikain hau aurrera eramateko, zuzendariak 70 mm-tan filmatzea erabaki zuen film honetarako bereziki eraiki zuen estudio batean, "Tativille" ospetsuan, hiriburuko arkitektura ultramodernoa bikain erreproduzitzen zuena.

Baina PlayTime proiektua amaitzeko prozesua oso luzea izan zen (zazpi urteko ekoizpena guztira), eta uste baino garestiagoa, Tati bere etxea eta bere lan guztien eskubideak hipotekatzera behartu zuena. Filmak, bere estreinaldian, porrot komertzial eta kritikoa jasan zuen arren, PlayTime, gaur egun, Frantziako burleskearen maisuaren abangoardiako maisulan handitzat hartzen da, David Lynch estatubatuarrak eta AKI Kaurismäki finlandiarrak goraipatua. Aukera paregabea pantaila handian eta 4K-ko bertsio zaharberritu bikain batean berriro ikusteko!