¿Qué he hecho yo para merecer esto? + Ombligo zuzenean

Ombligo taldeak zuzenean joko du ¿Qué he hecho yo para merecer esto? filmarentzat sortutako soinu-banda.

¿Qué he hecho yo para merecer esto?, Pedro Almodóvar, Espainia, 1984, 101’ 

Gloria neskame-lanetan ari da, ez du minutu bat libre. Bere etxearekin bakarrik nahikoa entretenimendu du egun osorako. Berrogei metro karratu horiek bere senar taxilariarekin, amaginarrebarekin, bi seme makarrekin eta musker batekin partekatzen ditu. Ez da emakume zoriontsua. Espainiako etxekoandre askok bezala, ez du Monakoko Carolinak adina aukera izan. Senarraren eta beraren artean, inkomunikazio nabarmenaz gain, emakume aleman baten itzala dago; senarrak txofer lana egiten zuen harentzat Berlinen, hamabost urte lehenago, eta harekin maiteminduta jarraitzen du. Taxilariaren trebetasun apurretako bat edozein letra faltsutzea da, ezin hobeto gainera. Emakume alemanak telefonoz iradoki dio Hitlerren memoriak faltsutu ditzakeela, eta Madrilera bertaratuko dela esan dio, gaia eztabaidatzeko.

Jolas eta jai girokoa, alaia, energiaz betea. Horrela defini liteke OMBLIGO-ren musika, Anika Sobrino eta Ángel Cáceres madrildarrek bultzatutako musika proiektua, Balkanetako gypsy unibertsoan murgiltzen dela dirudiena. Fusioa berezko zerbait da bikote bertutetsu honen zereginean, balkanetako folklore horri boleroa eta swinga lotzen baitzaizkio jazz garaikidearen ukitu jakin batzuekin. Nahasketa horrek guztiak aukera ematen dio entzuleari munduan barrena bidaia bat egiteko euren abestien bidez. Ibilbide emozional eta sentsoriala da, baina baita fisikoa ere, biolinari eta gitarrari esker.