Sarah Winchester, opéra fantôme, Bertrand Bonello, Frantzia, 24', JB (Frantsesez) ingeles eta gaztelerazko azpitituluekin
Existitzen ez den opera-ballet bat. Bastillako Operan jotzen eta Garnier Operan dantzatzen den pieza fantasmagorikoa. Bi eszenen arteko lotura ia mistikoa. Musikari bat soinu-probetan dabil Bastillako zulogunean. Abesbatzak bere lekua hartuko du entseguetarako estudioan. Bi aldeotan, ahal bezain beste doituko dute opera ballet baten aribideko lana: Sarah Winchester, haren atsekabea, eromena, etxea eta mamuak.
Bertrand Bonello (Niza, 1968) Sail Ofizialean lehiatuko da ikusmin handia sortu duen Nocturama filmarekin. Bere lan-ibilbidean film luze eta laburrak txandakatzen ditu. Zabaltegi-Tabakaleran Sarah Winchester, opéra fantôme proiektatuko du, saiakera historikoaren eta mamu-istorioen arteko hibrido bat, FID Marseillen estreinatua. Bonellok musika ere konposatu du.
Bertrand Bonelloren 'Sarah Winchester, opéra fantôme' saiakera historikoaren eta mamu-istorioen arteko hibrido bat da, zuzendariak berak konposaturiko musikaz girotuta.