Sipo Phantasma, Koldo Almandoz, Espainia, 69', VO (Euskera) ingelesezko eta gaztelerazko azpitituluekin
Ordubeteko itsas-bidaia bat, zinemagile banpiro baten saiakera metafilmikoa, film fantasma bat. Aurkitu eta berriz bilatzera daramaten bilaketen istorio bat. F.W. Murnau eta haren Nosferatu filma; Bram Stoker-en, Florence Balcombe-ren eta haren mutil-lagun Oscar Wilderen arteko maitasun-hirukotea. Naufragio ezagunak, itsasontzi batean emandako oporrak. Hilobi batetik lapurtutako bustoa, historiari eta zinemari buruzko gogoetak. Fikzio gotikoa, errealismo dokumentala eta bideo-saiakera ezkutatzen duten errusiar panpinen historia. Kontakizun baten collagea: liburu-zatiak, eskutitzak, txostenak, iragarkiak, telegramak, prentsako artikuluak, film-zatiak, txotxongiloak. Ispilu-jolas bat, benetako eta fikziozko banpiroak biltzen dituena: bakardadea, gizagabetzea eta gizarte-kontrola. Eta erdigunean, Drakula nobela; haren protagonista, haren egitura, haren funtsa.
Mamuz beteta dago, halaber, Koldo Almandozen (Donostia, 1973) lehen film luzea. Rotterdamen estreinatua,Sipo Phantasma (Barco fantasma) naufragioei, banpiroei, amodioei eta zinemari buruzko kontakizuna da. Beste bi euskal produkzio izango dira sail honetan: Mikel Ruedaren Caminan eta Las chicas de Pasaik bikotearen (María Elorza eta Maider Fernandez Iriarte) Gure hormek / Our Walls (Nuestras paredes) Kimuak-eko film laburrak.
'Sipo Phantasma', Koldo Almandoz zuzendariaren lehen luzemetraia naufragioei, banpiroei, amodioei eta zinemari buruzko kontakizuna da.