Small Town Cycle, Ted Fendt-en film laburrak

Small Town Cycle – Ted Fendt-en laburmetrai sorta. Jatorrizko hizkuntzan (EN), azpitituluak gazteleraz.

Film guztiak 35 mm-tan aurkezten dira.

Broken Specs

2012, 5 min, Super 16 mm, kolorea, soinu optikoa

Bi egunetan filmatua New Jerseyn, jaio nintzen hirian, 2012ko otsailean. Broken Specsek Mikeri jarraitzen dio egun batez bere bizitzan, zentro komertzial bateko aparkalekuan betaurrekoak hautsi eta gero. 

Travel Plans, 2013, 7 min, 16 mm, kolorea, soinu optikoa

2013ko urtarrilean neguko beste bi egun hotzetan filmatua, Travel Plans jaio nintzen hirira bueltatzen da, Robi bere bizitzako bi egunetan jarraitzeko, Atlantic Cityn igarotzeko diren opor batzuetarako lehiaketa batean parte hartu eta gero. 

Going Out, 2015, 8 min, 16 mm, kolorea, soinu optikoa

2014ko martxoan neguko bi egun hotz samarretan filmatua, Going Outek Liz du ardatz. Robekin geratuta dago, baina azkenean Mikerekin bueltatzen da etxera autoz tabernatik.

Short Stay, 2016, 61 min, Super 16 mm, kolorea, soinu optikoa

Short Stayren hasieran, Mike bere herriko etxean bizi da oraindik, baina bere lagun Markek laster eskaintzen dio alokairuan bere logela, han inguruan, Filadelfian, hilabete batzuetan bidaian den bitartean. Lana ere eskaintzen dio: Filadelfiako hirigune historikotik gidari turistiko lanak egitea. Udako egun beroak gorabehera, gauzak azkar hasten dira okertzen: Mark uste baino lehenago itzultzen da, baina Mike ez dago handik joateko prest.