Tomboy, Céline Sciamma

Tomboy, Céline Sciamma, Frantzia, 2011, 82’

Familia frantziar bat auzune berri batera aldatu da udako oporraldian euren bi alabekin, 10 urteko Laure (Zoe Heran) eta 6 urteko Jeanne (Malonn Levana). Jean Seberg bezala ilea moztuta eta mutiko jokamoldearekin Laurek mutila dela, Mikael, sinestarazi die auzuneko lagun berriei. Uda jolasean igarotzen ari dira eta lagun berria, Lisa (Jeanne Disson) maitemindu egingo berarekin. Mikael eta Lisaren arteko harremana gero eta estuagoa da eta nerabeen arteko amodio-istorioa sortuko da. Gurasoen etxean eta ahizpa gaztearekin Laure da, eta kalean, lagun berriekin eta neskalagunarekin, Mikael. Zoritxarrez gezurra ezin da betirako gorde eta gauzak aldatzen hasiko dira. Bi aste falta dira eskolara bueltatzeko. Laure eta bere gurasoek errealitatea eta bere ondorioak onartzen ikasi beharko dute.

“Tomboy” Céline Sciammak zuzendutako pelikula da. Sariak jaso ditu Berlin eta Gijonen, New Yorkeko Newfest jaialdian, Torinoko festibalean, Baficin, Brasileko Cinerama BC, Gaze Dublin jaialdia eta San Fraciskoko Frameline.