Tzesne

Bi hamarkada baino gehiagoko ibilbidea oparoa dauka, hauek direlarik emaitzarik aipagarrienak: hamabi disko; trilogia bat N-rekin batera (Hellmut Neidhart) eta Abgurd, Drone, TIBProd, Mystery Sea edo Eclectic Reactions bezalakoekin argitaratutako etengabeko kolaborazioak (berak egindakoa, SeriesNegras, kontuan hartu barik). Horregatik guztiagatik, Txesus Garate ambient-ean eta zarata garaikidearen musikan erreferente famatu bihurtu da, baita ikus-entzunezkoen manipulazioan eta aktibismoan ere (azken hori Paralux gipuzkoarrarekin batera).

Konbentzionalismo musikaletatik urrun, euskal esperimentazioaren eszenaren esploratzaile aditu honen jatorriak industrialarekin (Gutural) lotura gogorra duen arren, bere obraren zatirik handienak planteamendu kontzeptualetara eboluzionatu du, eta, horren ondorioz, musika-gorputz oniriko eta erradikal bat sortu da, oso estimulagarria dena. Dela Tzesneren buru izanda, dela beste proiektu batzuen (muturrekoena Kkopu eta erritmikoena guZural) kide izanda, soinuari (denboraren modelazioari) buruz duen ideia poetikoak piezaren pertzepzio semantikoari erreferentzia egiten dioten konposizio zehatz baina multiformeen sinpletasuna azpimarratu besterik ez du egiten.