Zoom. Bideo Laborategia 2017/18

Beste urte batez aurrera jarraitzen dugu Zoom proiektuarekin, ikus-entzunezkoetan, kultura garaikidean eta artean sakontzeko interesa duten gazteen lantaldearekin.

Aldizka biltzen gara Tabakaleran, urritik ekainera bitarte, zinemagile eta artistekin lantegiak egiteko, filmak eta film laburrak ikusteko, ikus-entzunezkoak ekoizteko, esperientziak partekatzeko eta elkarrekin barre egiteko.

Hauek dira gure lan ildoak:

• Zoom + kolaboratzaileak. Lantegi teoriko-praktikoak.
  
  
  
  • Identitatearen eraikuntza ikus-entzunezkotik eta erretratua, Maider Fernandez-ekin (urria)
  
  
  • Ikus-entzunezkoaren ikuspuntuaren eraikuntza eta auto-irudikapena Marta Nietorekin (azaroa)
  
  
  • Zientzia-fikzio eta erretratu soziala, Marta Nietorekin (urtarrila)
  
  
  • Soinu eta zuzeneko grabaketa lantegia Luca Rullo-rekin (apirila)
  
  
  • Kamararik gabeko16mm-ko lantegia Maite Alonso eta Unai Ruiz-ekin (maiatza)
  
  
  
  

• Zoom + zinema. Aro Atomikoa zinema zikloko filmak pantaila handian ikusi eta topaketak egin zinemagileekin.
  
  
  
  • Niñato, Adrian Orr 
  
  
  • Estiu 1993, Carla Simón
  
  
  • Todos vós sodes capitáns, Oliver Laxe
  
  
  
  

• Zoom + lantaldeak. Arte-zentro desberdinetan biltzen diren taldeak ezagutu.
  
  
  
  • Harrotu ileak. Ostiralero Tabakaleran biltzen den gazte lantaldea.
  
  
  • Equipo sub21 + Habitacio 1418. Ca2M eta MACBA arte zentroetan biltzen diren gazte taldeak dira.