Deialdi honekin eskola esparrutik atera eta Tabakalerako Medialaben proiektu bat elkarrekin gauzatzea bilatzen dugu.
Eskola proiektu baterako ideia daukazue baina ez duzue baliabide egoki edo ezagutza tekniko zehatzik? Praktika eta esperimentazioa ohiko prozesu batean txertatu nahiko zenukete? Klasetik atera eta espazio inspiragarri batean lan egin nahi duzue Tabakalerako lantaldearekin batera?
Deialdi honekin eskola esparrutik atera eta Tabakalerako Medialaben proiektu bat elkarrekin gauzatzea bilatzen dugu. Espazio desberdin bat deskubritu eta eskaintzen dituen aukera guztiak erabiltzeko esperientzia da. Irakasleen eta Tabakalerako lantaldearen artean proiektua diseinatuko dugu, gure lan-esparru espezializatuekin uztartuz: pentsamendu kritikoa, teknologia (elektronika, errobotika, 3D inprimaketa, animazioa eta bideo-jokoak), ikus-entzunezkoa (argazkilaritza, bideoa eta zinema), soinua, autoedizioa eta arte plastikoak.
