KONTATUTAKO ZINEA: Celia Rico

2018an Celia Ricok bere lehenengo film luzea, Viaje al cuarto de una madre, estreinatu zuen Zinemaldiko Zuzendari Berriak sailean, eta Gazteriaren Saria irabazi zuen bertan. Filma zinemaldi ugaritan ibili eta saritua izan zen behin baino gehiagotan. Orain, Celia Ricok bere bigarren filma estreinatzen du, Los pequeños amores, Adriana Ozores eta María Vázquez protagonista dituena. Martxoaren 8an estreinatuko da zine-aretoetan. Tabakaleran, Celia Rico entzuteko aukera izango dugu Los pequeños amores bere film luzearen sortze-prozesuari buruz hitz egiten eta normalean ezagutzera ematen ez diren filmaren materialak erakusten.