Moriarti produkzioak Kontatutako zinea zikloko lehenengo gonbidatuak izan ziren. Lehenengo aldi horretan, 2020 urtean, La trinchera infinita (2019) pelikularen prozesuaren inguruan aritu ziren. Aurkezpena Jon Garaño, Aitor Arregi eta Jose Mari Goenagak egin zuten. Lau urte beranduago berriro izango dugu gurekin Jon Garaño. Oraingo honetan, bere azken pelikulari buruz hitz egiteko, Marco (Aitor Arregirekin batera zuzendua). Luzemetraia Veneziako zinemaldian estreinatu zuten eta Zinemaldiko Perlak sailaren klausura filma izan da. Moriartik lehenengo aldiz pentsatu zuenean pelikula bat egin nahi zuela Enric Marcori buruz (pelikula oinarritzen den benetako pertsona) 2005 urtea izan zen. Beraz, 18 urte pasa dira izan zuten lehenengo bultzadatik eta saio honetan deskubritu dezakezu zein izan den urte guzti hauetan jarraitu duten prozesua.
