Artistei laguntzeko eta haien mugikortasunari mesede egiteko asmoz, eta artisten arteko kultura eta diziplina anitzeko trukea sustatzeko xedez, Hospitalfield, CCA Glasgow eta Tabakalera erakundeek egonaldi-programa bat jarri dute abian.
Deialdi honen helburua da elkarlaneko egonaldi artistiko bat egitea Glasgoweko CCA eta Arbroatheko Hospitalfield erakundeen (biak ala biak Eskozian) eta Donostiako Tabakalera Kultura Garaikidearen Nazioarteko Zentroaren artean. Programa Etxepare Euskal Institutuarekin eta British Councilekin lankidetzan garatuko da.
Deialdia Euskal Autonomia Erkidegoan (EAE), Nafarroan eta Iparralden jarduten diren artistei zuzendua dago, baldin eta Eskozian testuinguru artistiko berriak aztertzeko eta jardun artistikoa garatu bitartean ibilbide artistikoa zabaldu nahi baldin badute.
Egonaldiak zortzi aste iraungo ditu eta espazioa, testuingurua eta denbora eskainiko dizkio artistari, proiektu artistiko bat gara dezan. 2023ko irailetik urrira egingo da. Egonaldiak bi zati izango ditu: aukeratutako artistak iraila Hospitalfielden igaroko du eta urria CCA Glasgow erakundean
Aurkeztutako eskaera guztien artean proiektu bat aukeratuko da.
* Deialdi honi esker, gainera, artista eskoziar batek egonaldia egin ahal izango du Tabakaleran. Informazio gehiago jaso honako esteka honetan.
Cicely Farrer-ek (Hospitalfield), Sabrina Henry-k (CCA), Laida Mendiak eta Ane Agirrek (Tabakalera) osatutako hautaketa-batzordeak Bruno Delgado Ramo sortzailea hautatu du Eskozian egonaldia egiteko.
Tabakalerak Eskoziako CCA eta Hospitalfield erakundeekin batera antolatutako artistentzako egonaldi-deialdia.