Ane Zelaia

Ane Zelaia (Donostia, 1996)  sortzailea eta performerra da. Arte Ederretan graduatu zen Granadako Unibertsitatean, eta ondoren pinturan eta gorputzean espezializatu zen (UPV/EHUn eta Mutis Espazioan, hurrenez hurren). Bere jardunean, plastikak euskarri eszenikoan duen zeregina ikertzen du. Bere lanak ikusgai egon dira hainbat espaziotan: Baratza aretoan (Scratxe Gaua #14 ekitaldia), Stain Proyects-en (“Por tu dicha” banakako erakusketa), Bizkaiko Batzar Nagusietan, Gau Irekia 2020 ekitaldian, etab. Taldekako sorkuntzan interesa zuenez, Tora kolektiboa sortu zuen, eta talde horrekin Dantzan Bilaka 2022 programan hartu zuen parte. Horrez gain, freelance performer gisa egiten du lan beste artista batzuen proiektuetan.