Máquinas de ingenio. Jakintzen bidegurutzean: Erakusketaren komisarioa, artistak eta gainerako eragileak

Jardunaldi honen helburu nagusia Tabakaleran 2020tik garatu den Artea, Zientzia, Teknologia eta Gizartea (AZTG) ardatzaren inguruan aurten lagundu diren prozesu artistikoak partekatzea da.

Saioa Máquinas de Ingenio - Jakintzen bidegurutzean erakusketan diseinatu dugun jarduera eta dokumentaziorako gunean izango da eta bertan izango dira erakusketaren komisarioa, Maria Ptqk eta baita mostran parte hartu duten artistak ere. Lau sortzaileek ekoizpen berriak garatu dituzte zenbait erakunde zientifikorekin elkarlanean erakusketarako. Bestalde, joan den ekainean Tabakalerako Artisten Gunean egoiliar gisa jardun ziren bost artistak ere gonbidatu ditugu.  Euskal Herriko Unibertsitateak (UPV/EHU) eta Tabakalerak elkarlanean sustatutako deialdiaren baitan egin zuten azken horiek euren egonaldia.

Jardunaldi hau Erakusketa-aretoan bertan egiteak pieza bakoitzaren atzean dauden lan-prozesuetara hurbiltzea erraztuko du. Halaber, UPV/EHUko egoiliar batzuek, mahai-inguruan parte hartzeaz gain, euren piezak ere erakutsiko dituzte aretoan.

17:00 - 17:15 Aurkezpena: Clara Montero (Tabakalerako kultur zuzendaria) eta Maria Ptqk (komisarioa)
17:15 - 18:00 Jakintzen bidegurutzean - Máquinas de ingenio erakusketako lanen aurkezpena:
      Exografías Amaia Vicente
      C. el punto justo del conflicto cognitivo Laura MM
      Compost computacional Claudia Paredes 
18:00 - 19:00 Elkarrizketa artistekin. Danel Garay, Victoria Ascaso eta Antton Goikoetxea
19:00 - 19:30 Oriol Pares eta Pama Canolesen lanen aurkezpena