Scala. Making Conversation (lan-prozesua). crys cole eta Oier Etxeberria

Elkarrizketa honetan, Crys Cole artistak Making Conversation (2023) egiteko lan-prozesuari buruz hitz egingo du. Pieza Scalan erakutsiko du, instalazio moduan. Artistak egiten dituen konposizio asko egunerokotasunean hautematen dituen patroi eta egitura ez-musikalen bidez osatzen dira. Egunero inguratzen gaituzten paisaia soinudunak, hain zuzen: etxeko soinuak, kaleko jarduerak, naturaren soinuak, industriaren eta motorren soinuak. Zentzu horretan, bere lana horien guztien arteko elkarreraginari erreparatzean oinarritzen da. Itxuraz ulergaitzak diren soinu abstraktu horiek aldi berean egoteko duten moduak interakzio liluragarria sortzen du, musika propio eta berezi gisa entzun edo interpreta daitekeena. Beraz, saioaren helburua ideia horietan sakontzea da, bai eta Balin egon zenean grabatutako zatiak zuzenean entzuteko aukera ematea ere. Horrez gain, ekoizpen-lanean zehar inspirazio gisa erabilitako beste adibide batzuk erakutsiko ditu.