Kontzertuak: Debris Stevenson / crys cole & Oren Ambarchi / Kamilya Jubran & Werner Hasler

DEBRIS STEVENSON

Musika, mugimendu, letra, poesia, testu eta gehiagoren nahasketa bat. Debris Stevensonek grime kutsuko festa poetiko bat iradokitzen du, asaldura aukera gisa hartzen duena.

Poet in da Corner bere 5* obraren, Write to Rave bere rave poesia murgiltzaileko obraren eta England Class Unmasked bere poesia bilduma berriaren (argitaragabea) zatiak. Azken horrek neurodibergentzia forma poetiko gisa hartzen du, eta proposatzen du gure ezberdintasunei jarraitzea, eta ez horien kontra borrokatzea.

CRYS COLE & OREN AMBARCHI

crys cole soinu-artista kanadarrak eta Oren Ambarchi musikari australiarrak soinu-espazio lasaia eta pertsonala sortu dute, konposizioikuspuntu, soinu-iturri, fideltasun eta testura ugariren bidez. Bikotea dira esparru sortzailean, baina baita erromantikoan ere. Musika elektroakustikoa berrimajinatu dute, ez soilik soinu “abstraktu” gisa, baizik eta eguneroko bat, amodiozko poema bat edo amets bat izango balitz bezala.

KAMILYA JUBRAN & WERNER HASLER

Kamilya Jubranek eta Werner Haslerrek aukeren unibertso musikal bat erakusten dute; tinbreen harmonia bat, elkarren osagarri diren kulturak, bertsoen konplizitatea, eta elkarri aurre egiten dioten moduak eta hizkuntzak, duoak bere jatorriak eta garaikidetasuna komunikatzeko duen modu berezian, 20 urtez kolaboratzen sortu duten irudimenezko interpretazioarekin eta inprobisazioarekin.

Beren entzumena eta adierazpena, ikerketa eta desira galdekatzea oinarri hartuta, beren trukearen alkimiak soinu paregabe eta sinestezin baterako bidaia bat erakusten du.

2019an, beren hirugarren diskoa argitaratu zuten Everest Recordsen: WA (arabieraz, «eta»).  2022an, bikoteak soinu- eta fonetika-eremu berrien esplorazioarekin jarraitzen du, Prozess Berneko hileroko egoitzen bidez beren elkarrizketa-gaitasuna aberastuz; han, و WA zabaldu dute.